जि.प.सभापती पद भाजपा 3 राष्ट्रवादी 1
जिल्हा परिषदेत आज समिती सभापती पदाच्या निवडणुकीसाठी विशेष सभेचे आयोजने जि.प.अध्यक्षा सौ.उमाताई तायडे यांनी केले होते. यावेळी झालेल्या निवडणुकीमध्ये समाज कल्याण सभापती पदाकरीता गोपाल रामदास गव्हाळे व शिला धनसिंग शिंपणे यांचे दोन अर्ज प्राप्त झाले होते. यावेळी झालेल्या निवडणुकीत गोपाल गव्हाळे यांनी शिला शिंपणे यांचा पराभव केला. अर्थ व बांधकाम सभापती पदासाठी राजेंद्र उमाळे व राजाभाऊ अर्जुन भोजने या दोघांचे अर्ज प्राप्त झाले होते. यात राजेंद्र उमाळे यांची अर्थ व बांधकाम सभापती पदासाठी वर्णी लागली.
महिला व बालकल्याण सभापती पदाकरीता उंद्री सर्कलच्या सौ.श्वेताताई महाले पाटील व सौ.ज्योती पडघान यांचे अर्ज प्राप्त झाले होते. यात श्वेताताई महाले पाटील यांनी ज्योतीताई पडघान यांचा पराभव केला. तर कृषी व पशुसंवर्धन सभापती पदी राष्ट्रवादीचे दिनकर देशमुख यांनी श्रीराम मापारी यांचा पराभव करीत कृषी व पशुसंवर्धन सभापती पदी वर्णी लावली. सर्व उमेदवार हे 34-26 या फरकाने निवडूण आलेत. त्यामुळे भाजपाला 3 तर राष्ट्रवादीला 1 असे सभापतीपदे पदे बहाल करण्यात आली.
यावेळी जि.प.अध्यक्षा सौ.उमाताई शिवचंद्र तायडे, उपाध्यक्षा सौ.मंगलाताई रायपुरे, जि.प.मु.का.अ.दिपा मुधोळे, निवासी उपजिल्हाधिकारी नरेंद्र टापरे आदिंसह जि.प.सदस्यांची उपस्थिती होती.
