वाशी विभागात शहराच्या सौंदर्यास बाधा करणार्या 17 जणांवर गुन्हा
नवी मुंबई महानगरपालिका कार्यक्षेत्रातील अतिक्रमणे निष्कासित करून तसेच मार्जिनल स्पेस खुल्या करून, पदपथांवरील अनधिकृत फेरीवाले हटवून वाहतुकीला व रहदारीला पदपथ व रस्ते मोकळे असावेत असे आदेश महापालिका आयुक्त डॉ. रामास्वामी एन. दिले आहेत. वाशी विभागातील विविध ठिकाणच्या सार्वजनिक पोस्टर, बॅनर लावून, तसेच भिंतीवर रंग रंगोटी, रस्त्याच्या चौकात, झाडावर, दिवाबत्ती पोल वर जाहिरातीचे फलक उभारून शहराच्या सौंदर्यास बाधा करणा-या 17 जणांवर महाराष्ट्र मालमत्तेचे विरुपणास प्रतिबंध अधिनियम 1995 कलम 3 अनव्य, वाशी पोलीस स्टेशन मध्ये गुन्हे दाखल करण्यात आले.
