रॅली रूसो, कायल अबॉटची क्रिकेट कारकीर्द समाप्त?

केप टाऊन, दि. 06 - फलंदाज रॅली रूसो आणि गोलंदाज कायल अबॉट यांनी कौंटी संघात खेळण्यासाठी दक्षिण आफ्रिकेकडून खेळण्यास नकार दिल्याने या दोघांची क्रिकेट कारकिर्द समाप्त झाल्याची चर्चा आहे. श्रीलंकेविरूद्धच्या अखेरच्या कसोटी सामन्यासाठी या दोघांचा संघात समावेश करण्यात आला होता. परंतु, रूसो आणि अबॉट दोघांनीही आपण कसोटीसाठी उपलब्ध नसल्याचे सांगितले. त्यामुळे त्यांची राष्ट्रीय संघातील क्रिकेट कारकीर्द संपल्याचे बोलले जात आहे.
रूसो आणि अबॉट या दोघांनी मंडळाशी झालेला करार मोडला आहे. त्यामुळे भविष्यात कोणत्याही संघनिवडीच्या वेळी त्यांचा विचार केला जाणार नाही, असे द. आफ्रिका क्रिकेट मंडळाकडून सांगण्यात आले आहे.