मातृतिर्थ सिंदखेड राजात उसळला जिजाऊ भक्तांचा महासागर
त्यानंतर सायंकाळी जिजाऊ सृष्टी शिवधर्मपिठावर मुख्य कार्यक्रम सायंकाळी पार पडला. यावेळी विचारपीठावर कोल्हापूर संस्थानचे छत्रपती युवराज संभाजी राजे भोसले, माजी आमदार रेखाताई खेडेकर, प्रदेशाध्यक्ष कामाजी पवार, संभाजी ब्रिगेडचे प्रदेशाध्यक्ष मनोज आखरे, जिजाऊ ब्रिगेडच्या प्रदेशाध्यक्षा छायाताई महाले, चंद्रशेखर शिखरे, यांच्यासह मराठा सेवा संघाचे पदाधिकारी उपस्थित होते. मराठयांनी स्वत:चे प्रश्‍न सोडविण्यासाठी संभाजी ब्रिगेडच्या माध्यमातून पुढे यावे, असे आवाहन मराठा सेवा संघाचे संस्थापक पुरुषोत्तम खेडेकर केले. आगामी जि.प. व महानगर पालिकेच्या निवडणुूकीत उतरा, असे सांगुन सकल मराठा समाजाच्या उत्थानासाठी युवकांनी पुढे येण्याचे आवाहनसुध्दा यावेळी त्यांनी केले. महाराष्ट्राचे आराध्य दैवत राष्ट्रमाता जिजाऊ यांचा 419 वा जन्मोत्सव आज मातृतीर्थ सिंदखेडराजा नगरीत उत्साहात साजरा करण्यात आला. 20 वर्षानंतर जयंती तिथी आणि तारीख एकाच दिवशी आल्याचा योगसुध्दा आज जुळून आला होता.
खासदारकीसाठी आपण कोणाच्या दारात गेलो नाही. शिवरायांच्या विचारांचा वारसदार म्हणून हा सन्मान मिळाला. मराठा व बहुजनांचा आवाज बुलंद करण्यासाठी पुरुषोत्तम खेडेकर यांच्या प्रेरणेने यासन्मानाचा स्वीकार केला. समाजासाठीच आपल काम सुरु राहिल. खासदार म्हणुन नाही तर या मातीच ऋण आपणा सर्वांवर असल्याने सिंदखेडराजाच्या विकासासाठी योगदान देण्याची ग्वाहीसुध्दा यावेळी खा. संभाजी राजे यांनी दिली. कार्यक्राचे संचालन डॉ. शिवानंद भानुसे तर आभार सुभाष कोल्हे यांनी मांनले.
