जळगाव, दि. 06 - चोपडा येथील विवेकानंद प्राथमिक, माध्यमिक व इंग्लिश मिडीयम स्कूलमध्ये सावित्रीबाई फुले जयंती आणि बालिका दिन मोठया उत्साहात साजरा करण्यात आला. मुख्याध्यापकांच्या हस्ते सावित्रीबाईंच्या प्रतिमेचे पूजन करण्यात आले. सर्व शिक्षिकेंचे मुलींनी गुलाबपुष्प देऊन स्वागत केले. कार्यक्रमात वैशाली आढाव यांच्या मार्गदर्शनाखाली इ 1ली. ची विद्यार्थांनी ऋतुजा किशोर पाटील हिने एकपात्री नाटयछटा सादर केली. तर राधेश्याम पाटील , जावेद तडवी, आनंद पाटील, जितेंद्र देवरे यांच्या मार्गदर्शनाखाली इ . 6 वी अ व ब च्या विद्यार्थिनींनी समाजातील विविध भूमिकेतील स्त्रियांच्या वेशभूषा करुन त्यांच्या कार्याला उजाळा दिला. इ 9वी. च्या मुलींनी छान गीत सादर केले.उपशिक्षिका वासंती नागोरे , राजेश्वरी भालेराव यांनी सावित्रीबाईंच्या जीवनचरित्रावर माहिती दिली.कार्यक्रमाचे सुत्रसंचलन व आभार मानसी साळुंखे इ 7वी ब, नेहा महाजन इ 7वी अ यांनी केले तर कार्यक्रमात क्रीडा स्पर्धा, साने गुरुजी कथाकथन स्पर्धा , दिपस्तंभ आत्मविश्वास प्रेरणा आभियान , शिवजयंतीनिमित्त लेटर-राईटिंग स्पर्धा , एकलव्य सामान्य ज्ञान स्पर्धा अशा विविध स्पर्धचे पारितोषिके वाटप करण्यात आले कार्यक्रमास सर्व विभागाचे मुख्याध्यापक , शिक्षक , पालक, विद्यार्थी उपस्थित होते.
