पालकमंत्र्यांची नवी यादी जाहीर, अनेक ठिकाणी खांदेपालट
एकनाथ खडसे यांच्या गच्छंतीनंतर मंत्रीमंडळात नंबर दोनचे नेते म्हणून निवड करण्यात आलेल्या चंद्रकात पाटील यांच्याकडे आता खडसे यांच्या जळगाव जिल्ह्याचे पालकमंत्री जबाबदारी सोपविण्यात आली आहे. याआधी पांडूरंग फुंडकर यांच्याकडे जळगावचे पालकमंत्री म्हणून जबाबदारी देण्यात आली होती. मात्र आता त्या जागी चंद्रकांत पाटील यांच्यावर ही जबाबदारी सोपविण्यात आली आहे. दरम्यान, जळगावचं पालकमंत्री मिळावं यासाठी गिरीश महाजनसुद्धा इच्छुक असल्याची माहीती समजते. मात्र खडसे-महाजन यांच्या वादामुळे चंद्रकांत पाटलांना ही जबाबदारी देण्यात आली आहे.
