अखिलेश यांच्या बैठकीला 198 आमदार उपस्थित
अखिलेश यादव आणि मुलायम सिंह यादव या आपापल्या समर्थकांची बैठक बोलावली आहे. पण मुख्यमंत्री अखिलेश यादव मुलायम यांच्यावर भारी पडल्याचं चित्र आहे. कारण अखिलेश यांच्या बैठकीत 198 आमदार आणि 25 मंत्री उपस्थित असल्याची माहिती आहे. तर मुलायम यांच्या बैठकीत आतापर्यंत केवळ 11 आमदार आणि 67 उमेदवार दाखल झाले आहेत. दरम्यान, या बैठकीत अखिलेश यादव यांना अश्रू अनावर झाले. मी वडिलांपासून वेगळा झालेलो नाही. उत्तर प्रदेश विधानसभा जिंकून त्यांना भेट देणार, असं अखिलेश म्हणाले.
