मुंबईत एशियन हार्ट इन्स्टिट्यूटच्या बेसमेंटमध्ये आग
वांद्रे-कुर्ला संकुल (बीकेसी) मध्ये असलेल्या प्रसिद्ध एशियन हार्ट इन्स्टिट्यूटच्या इमारतीतील बेसमेंटमध्ये आग लागली आहे. अग्निशमन दलाचे सहा फायर इंजिन आणि चार वॉटर टँकर घटनास्थळी रवाना झाले आहेत. आगीचे कारण अद्यापही अस्पष्ट आहे. सुदैवाने आतापर्यंत कोणत्याही जीवितहानीचे वृत्त नाही. मात्र रुग्णालयात आग लागल्यामुळे चिंता व्यक्त केली जात आहे.
