पुणे जिल्ह्यातील विविध पोलीस ठाण्यात 17 वाहनचोरीचे दाखल गुन्हे उघड
त्यांचेकडून चोरण्यात आलेले पिकअपवाहन हस्तगत करण्यात आले असून इतर ठिकाणच्या चोरीतील दुचाकी व चारचाकी वाहनांचे गुन्हे उघड होण्याची शक्यता पोलिसांनी वर्तवली आहे.
याबाबत पोलीस सूत्रांकडून मिळालेली माहिती अशी की,संतोष कृष्णात गायकवाड रा.वाल्हे यांची महिंद्रा कंपनीचे पिकअपजिप (क्र.एम.एच.12 सी.एच.4880) हे वाहन 29 मार्च 2016 रोजी जेजुरी-नीरा रस्त्यावरून रात्रीच्या सुमारास चोरीला गेले होते त्याची नोंद पोलीस ठाण्यांत करण्यात आली होती.
सदरील गुन्ह्याचा तपास करताना या वाहनाची बौडी-रंग बदलून व बोगस नंबर टाकून संबंधित आरोपी हे वाहन वापरत असल्याची माहिती एका माहितीदाराने पोलिसांना दिली. आणि त्यानंतर सापळा रचून वाहनासह दोन आरोपींना जेरबंद करण्यात आले.
त्यांचेकडे चौकशी केली असता नीरा येथून तीन महिन्यांपूर्वी चोरलेली एक पिकअप वाहन उरुळीदेवाची येथे बेवारस स्थितीमध्ये सोडून दिले होते अशी माहिती मिळाल. पुढील तपास सहाय्यक पोलीस निरीक्षक रामदास वाकोडे करीत आहेत .
