गतीरोधकामुळे दुचाकीवरून घसरून पडल्यामुळे तरुणीचा मृत्यू
नयना ही जवाहरलाल नेहरू रस्त्यावरून संत कबीर चौकाकडून शंकरशेठ रस्त्यावरील सेव्हन लव्हज हॉटेलच्या दिशेने चालली होती. शनिवारी सकाळी तिची दुचाकी गतिरोधकावरून घसरली. त्यामुळे रस्त्याच्या मध्यभागी असलेल्या विजेच्या लोखंडी खांबावर तिचे डोके आपटले. डोक्याला गंभीर जखम झाल्यामुळे तिचा जागीच मृत्यू झाला. रतन रमेश अंकम (रा. नाना पेठ) यांनी समर्थ पोलिसांना अपघाताबाबत माहिती दिली. रतन यांनी नयनाला केईएम रुग्णालयात उपचारासाठी नेले होते. मात्र तोपर्यंत तिचा मृत्यू झाल्याचे डॉक्टरांनी सांगितले.
नयना हिने दौंड शहरातील सेंट सेबॅस्टियन विद्यालयात प्राथमिक व माध्यमिक शिक्षण घेतल्यानंतर नयना हिने सूक्ष्मजीवशास्त्रात पद्व्यूत्तर पद्वी संपादित केली होती. सावित्रीबाई फुले पुणे विद्यापीठात सध्या ती जैव तंत्रज्ञानांतर्गत टाकाऊ पदार्थांवर संशोधन करीत होती व त्यासाठी तिला राज्यपातळीवरील पुरस्कार मिळाला होता. अवयवदानाचा प्रचार व प्रसार कार्यात ती सहभागी होती. दौंड शहरातील भीमा नदीतीराजवळ शनिवारी सायंकाळी तिच्यावर अंत्यसंस्कार करण्यात आले.
