सिंधुदुर्गातील नद्यांनी पातळी ओलांडली!
सिंधुदुर्गात गेल्या आठ दिवसांत पावसाची संततधार सुरू असल्याने नदी-नाले, धरणांच्या पाणीसाठयात मोठया प्रमाणात वाढ झाली आहे. या नैसर्गिक आपत्तीत पाच जणांचा बळी गेला आहे. सोमवारी कसाल नदीच्या पाण्याची पातळी वाढून पूरस्थिती निर्माण झाली होती. कुपवडे-शिवापूर पुलावर पाणी आल्याने वाहतूक खोळंबली होती.
तर होडावडे-वेंगुर्ला मार्गावरील पुलावरही पाणी आले होते. सोमवारी मध्यरात्रीपासून वेंगुर्ले तालुक्यात सुरू झालेल्या मुसळधार पावसामुळे शेती बागायतीला तलावांचे स्वरूप आले आहे. समुद्रही खवळला असून; किनारपट्टीवर सुरक्षितता पाळण्याचे आवाहन करण्यात आले आहे.
