ई-कोर्ट प्रकल्पांतर्गत टच स्क्रीन सुविधा सातारा जिल्ह्यातील न्यायालयात सुरु
प्रमुख जिल्हा न्यायाधीश बी. यु. देबडवार यांच्या हस्ते जिल्हा न्यायालय व वकिल संघाच्या ग्रंथालयामध्ये या सुविधेचे उद्घाटन करण्यात आले. याप्रसंगी डी. डब्ल्यु, देशपांडे, श्रीमती व्हि. एम. मोहिते आदी न्यायाधीश तसेच जिल्हा सरकारी वकील एम. एन कुलकर्णी व वकील संघाचे सचिव अॅडव्होकेट चिकणे, जिल्हा न्यायालयाच्या प्रबंधक श्रीमती काटकर न्यायालय व्यवस्थ्यापक रविंद्र काळे, अधीक्षक श्रीमती साळवेकर व अजमल शेख आदी उपस्थित होते. जिल्हा नियोजन समितीद्वारे दिल्या जाणार्या उपलब्ध निधीतून दिल्या जाणार्या उपलब्ध निधीतून पक्षकार व वकिलांना त्यांच्या प्रलंबित आणि निकाली अशा सर्व प्रकरणांची माहिती या यंत्रणेद्वारे सहजगत्या उपलब्ध होणार आहे. प्रत्येक न्यायालयाच्या दर्शनी भागात ही सुविधा उपलब्ध करण्यात आली आहे. या सुविधेमध्ये टच स्क्रीनद्वारे इंग्रजी व मराठी भाषेतून प्रकरणाची सद्यस्थिती, तारीख तसेच वेळोवेळी होणारे आदेश व निकालपत्रे या सुविधेद्वारे पक्षकारांना पाहता येणार आहे.
