ठाणे विधानपरिषद - महायुतीचे रवींद्र फाटक विजयी
अखेरच्या क्षणी शिवसेनेने रविंद्र फाटक यांना उमेदवारी देऊन निवडणुकीत रंगत आणली. यापूर्वी दोनवेळा आमदारकीच्या निवडणुकीत रविंद्र फाटक यांचा पराभव झाला होता. ठाणे-पालघर स्थानिक स्वराज्य संस्थेमध्ये हितेंद्र ठाकूर यांच्या बहुजन विकास आघाडीचीही मोठी ताकद आहे. त्यांनी डावखरेंना पाठिंबा देण्याचे जाहीर केले होते.
या निवडणुकीत अपक्षांची 72 मते निर्णायक होती. त्याचा फाटक यांना फायदा झाल्याचे दिसत आहे. रविंद्र फाटक हे काहीवर्षांपूर्वी काँग्रेस नेते नारायण राणे यांचे कट्टर समर्थक म्हणून ओळखले जायचे. 2014 मध्ये त्यांनी राणेंची साथ सोडून ते शिवसेनेत दाखल झाले. त्यांनी दोनवेळा विधानसभेची निवडणूक लढवली पण दोन्ही वेळा त्यांचा पराभव झाला.
