मुंबईत मिळणार अवघ्या 10 लाखात घर?

मुंबइ, दि. 28 - बृहन्मुंबई महानगरपालिकेच्या विकास आराखड्यामध्ये काल 10 लाखात वन रुम किचन घर मिळेल, असा प्रस्ताव ठेवण्यात आल्यामुळे मुंबईत आगामी काळात 10 लाखात घर मिळणार असल्याचा दावा करण्यात येत आहे.
बांधकाम खर्चातच ही घरे विकली जाणार असल्यामुळे जवळपास 350 चौरस फुटांचे घर अवघ्या 10 लाखात मिळण्याची शक्यता आहे. मिठागराच्या जमिनी, मुंबई पोर्ट ट्रस्ट आदींच्या जमिनींवर ही घरे उभारण्यात येतील, असे म्हटले जात आहे. सध्या सामान्यांना परवडणार्‍या घरांसाठी एकूण 11 योजना आहेत. त्यांची अंमलबजावणी करुन नव्या पद्धती आणि पर्यायांचा शोध विकास आराखड्यात करण्यात आला आहे.
झोपडपट्टी पुनर्विकास योजना, उपकरप्राप्त इमारतींचा विकास, सहकारी गृहनिर्माण संस्थांचा विकास, म्हाडाच्या इमारतींचा विकास, खुल्या बाजारात विकल्या जाणार्‍या इमारती, प्रधानमंत्री आवास योजना, मुंबई पोर्ट ट्रस्ट अशा योजनांतून सामान्य मुंबईकरांना परवडणारी घरे बांधली जातील.