थकित पगारासाठी भुविकास बँकेच्या कर्मचार्‍यांचे उपोषण
बीड,दि. 10 - भुविकास बँकत कार्यरत असणार्‍या 34 कर्मचार्‍यांना चार महिन्यापासुन वेतन मिळालेले नाही. त्यामुळे कर्मचार्‍यावर उपासमारीची वेळ आलेली आहे.
कर्मचार्‍यांचा पगार देण्यात यावा या मागणीसाठी सदरील कर्मचारी जिल्हा उपनिबंधक कार्यालयात उपोषणाला बसलेले आहेत.बीड येथील भुविकास बँकेमध्ये 34 कर्मचारी कार्यरत आहेत. या कर्मचार्‍यांना माहे सप्टेंबर 2015 ते डिसेंबर 2015 चार महिन्याचे वेतन मिळालेले नाही. पगारासाठी कर्मचार्‍यांनी वेळोवेळी पाडपुराव केला. मात्र त्यांना पगार देण्यात आलेली नाही.पगारासाठी हे कर्मचारी कालपासुन जिल्हा उपनिंबधक कार्यालयासमोर आंदोलनाला बसले आहेत.
