एफटीआयआयच्या विद्यार्थ्यांचे आंदोलन

पुणे, 7 - पुण्यात एफटीआयआयच्या विद्यार्थ्यांनी पुन्हा एकदा जोरदार आंदोलन सुरु केले आहे. गेटसमोरच मोर्चा सुरु असून ‘गजेंद्र चौहान वापस जाओ’च्या घोषणांनी एफटीआयआयच्या परिसर विद्यार्थ्यांनी दणाणून सोडला.

आंदोलन, संपानंतरही आज अभिनेते आणि भाजपा कार्यकर्ते गजेंद्र चौहान पुण्याच्या एफटीआयआयचे अध्यक्षपद स्वीकारणार आहेत. आज पहिल्यादांच ते एफटीआयआयमध्ये दाखल होतील. यासाठीच विद्यार्थ्यांनी आज मोर्चा काढला आहे. पोलिसांनी काल काही विद्यार्थ्यांना नोटीसाही बजावल्या होत्या. मात्र तरीही आज मोर्चा काढण्यात आला. विद्यार्थांचा संभाव्य विरोध बघता खबरदारी म्हणून आंदोलनकर्त्या काही जणांना पोलिसांनी ताब्यात घेतले आहे. विद्यार्थानी पोलिसांनाही विरोध केला आहे.