ट्रेनच्या धडकेत बिबट्याचा मृत्यू

रत्नागिरी, 9 -  राज्यात बिबट्यांच्या मृत्युंचे सत्र सुरु असताना यात आणखी एका बिबट्याची भर पडली आहे. कोकण रेल्वेच्या धडकेत बिबट्याचा मृत्यू झाल्याची घटना रत्नागिरीत घडली आहे.

रत्नागिरी जिल्ह्यातल्या कोंडवी गावजवळ हा अपघात झाला. हा बिबट्या रेल्वे पुलावरून जात असताना रेल्वे ट्रॅकवर पडला. अन समोरून येणार्‍या कोकण रेल्वेने याला धडक दिल्याचा अंदाज आहे. रेल्वेच्या धडकेने या बिबट्या शीर शरीरापासून वेगळे झाले. कोंडवी गावच्या ग्रामस्थांनी याची माहिती वनविभागाला दिल्यानंतर वनविभागाने मृत बिबट्याला ताब्यात घेतले आणि त्याच्यावर अंत्यसंस्कार केले. गेल्या महिनाभरात रत्नागिरी जिल्ह्यात रेल्वे आणि वाहनाच्या धडकेत बिबट्याचा मृत्यू होण्याची ही तिसरी घटना आहे.