तुर्कीच्या स्फोटात 10 जण ठार

इस्तंबूल, 12 - तुर्कीच्या सुल्तान अहमत चौकात मंगळवारी जोरदार बॉम्बस्फोट झाला. या स्फोटात 10 लोक ठार झाल्याची माहिती आहे. तर, 15 जण जखमी झाले आहेत. हल्ला झाला त्या चौकात विदेशी पर्यटकांची संख्या अधिक होती. दोगन वृत्तसंस्थेच्या माहितीनुसार या स्फोटात जर्मन आणि फ्रांसच्या पर्यटकांना निशाणा बनवण्यात आले होते.

हा स्फोट आत्मघातकी दहशतवाद्याने घडविलेला असावा, असा शंसय व्यक्त करण्यात आला आहे. तसेच इस्लामिक स्टेट (इसिस) या जागतिक दहशतवादी संघटनेने हा हल्ला घडविल्याची शक्यता वर्तविण्यात आले. या स्फोटामध्ये 15 जण जखमी झालेत. इस्तंबूलमधील जगप्रसिद्ध ’ब्ल्यू मॉस्क’ ठिकाणापासून जवळच असलेल्या सल्तनत चौकामध्ये हा स्फोट घडविण्यात आला. या स्फोटानंतर नागरिकांमध्ये घबराट पसरले.