भामरागड तालुक्यातील हिदूर येथील तीन महिलांचा पामुलगौतम नदीत बुडून मृत्यू झाला असून तहसीलदार के.पी. अंडील यांच्या पुढाकारातून मृतकाच्या कुटुंबियांस तात्काळ प्रत्येकी ४ लाख रुपयांची आर्थिक मदत करण्यात आली . हिदूर येथील चार महिला पामुलगौतम नदीवर कपडे धुण्यासाठी गेले असता अचानक आलेल्या पुरामुळे तीन महिला वाहून गेल्या व एक महिलेचा जीव वाचविण्यास नागरिकांना यश आले आहे . वाहून गेलेल्या महिलांचे मृतदेह आढळले असून सौमी दुर्वा , जानकी तिमा , चंदा गोटा असे मृतक महिलांचे नाव आहे . मृतकाच्या कुटुंबियांना तात्काळ सानुग्रह राशी प्रत्येकी ४ लाखाचे धनादेश तहसीलदार अंडील यांच्या हस्ते देण्यात आले.
