ओपन बॅडमिंटन: पी. व्ही. सिंधू उपांत्यपूर्व फेरीत
थायलंड खुल्या बॅडमिंटन स्पर्धेत भारताच्या पी. व्ही. सिंधूने हाँगकाँगच्या यिप पुई यिनवर २१-१६, २१-१४ अशी मात करत उपांत्यपूर्व फेरीत प्रवेश केला आहे. या फेरीत सिंधूला अमेरिकन खेळाडू सोनिया चिह हिला टक्कर द्यावी लागणार आहे.
परुपली कश्यप आणि एच. एस. प्रणॉय यांना मात्र पराभवास सामोरे जावे लागले आहे. पुरुषांच्या एकेरीत कश्यप याला जपानच्या कांता त्सुनियामा याच्याकडून १८-२१, २१-१८, १९-२१ असा पराभव स्वीकारावा लागला. चौथ्या मानांकित एच.एस.प्रणॉयला इंडोनेशियाच्या सोनीद्वे कुन्कोरो याने २१-१८, २१-१४ असे पराभूत केले. दुहेरीत मनू अत्री व बी.सुमेध रेड्डी यांना हिरोयोकी इन्दो व युता वातानाबे यांच्याकडून २४-२२, १३-२१, १९-२१ अशी हार मानावी लागली. मिश्र दुहेरीत जपानच्या युकी कानेको व व मोयू मत्सुमोतो यांनी सात्त्विकसाईराज रान्किरेड्डी व अश्विनी पोनप्पा यांना २१-११, २१-१६ असे पराभूत केले.
