आशियाई स्पर्धेआधीच सुशील कुमार 'चितपट'

नवी दिल्ली प्रतिनिधी
भारताचा ऑलिम्पिक पदक विजेता कुस्तीपटू सुशील कुमारचा जॉर्जिया येथे सुरु असलेल्या तबिलिसी ग्रॅड प्रीक्स स्पर्धेच्या पहिल्या फेरीतच सुशील कुमारचा पराभव झाल्याने तोआशियाई स्पर्धेआधीच चितपट झाल्यासारखी अवस्था निर्माण झाली आहे. सुशील कुमारचा ७४ किलो वजनी गटात पोलंडच्या आंद्रजेज पियोत्र सोकालस्कीने ४-८ ने पराभव केला. चार वर्षातील सुशीलचा हा पहिला पराभव आहे. 

आशियाई स्पर्धांचा विचार करता सुशील कुमारसाठी हा चांगला निकाल नाहीय. मागच्या महिन्यात झालेल्या चाचणीफेरीमध्ये सुशील कुमार सहभागी झाला नव्हता. त्याची गतकामगिरी आणि फॉर्म पाहून भारतीय कुस्ती महासंघाने त्याला सवलत दिली होती. गोल्ड कोस्टमध्ये झालेल्या राष्ट्रकुल क्रीडा स्पर्धेत सुशील कुमारने तिसरे सुवर्णपदक जिंकलेहोते.

सुशील कुमारने सलग दोन ऑलिम्पिक स्पर्धांमध्ये २००८ आणि २०१२ मध्ये भारताला कांस्य आणि रौप्यपदक मिळवून दिले आहे. बुधवारच्या पराभवाआधी इटलीच्यासासारीमध्ये मे २०१४ साली फ्रान्सच्या लुका लॅम्पिसने त्याला पराभूत केले होते. ६५ किलो फ्रि स्टाइल गटात बजरंगने युक्रेनच्या गोर ओगानेस्यानवर मात केली. उपांत्यपूर्वफेरीतत्याचा सामना इराणच्या योनेस अलियाकबर बरोबर होणार आहे. ८६ किलो वजनी गटात दीपक पुनियाने मोलदोवाच्या जॉर्जी रुबाएववर मात केली. सबा चिखरादजेबरोबर त्यांचापुढचा सामना होणार आहे.