तोगडियांचे ’विश्‍व’ बदलले,आंतरराष्ट्रीय हिंदू परिषदेची केली घोषणा
नवी दिल्ली - विश्‍व हिंदू परिषदेचे माजी अध्यक्ष प्रवीण तोगडिया आपल्या नव्या संघटनेच्या नावाची घोषणा केली आहे. ‘आंतरराष्ट्रीय हिंदू परिषद’असे नव्या संघटनेचे नाव आहे. विश्‍व हिंदू परिषदेच्या अध्यक्षपदावरून उचलबांगडी झाल्यानंतर तोगडिया यांनी पंतप्रधान मोदींना लक्ष्य केले होते. जनतेच्या अपेक्षा पूर्ण करण्यात मोदी सरकार अपयशी ठरल्याची टीका त्यांनी केली होती. तोगडिया घोषणा करत असलेली संघटना धार्मिक आणि सामाजिक मुद्दांसाठी काम करणार असल्याचे सांगितले जात आहे. राष्ट्रीय स्वयंसेवक संघ आणि भाजप समर्थक मोदींच्या कारभारावर नाराज असल्याचा दावाही तोगडिया यांनी केला आहे.
