गुटखा विक्रेत्यांविरुध्द कारवाई सुमारे पंधरा लाख रुपयांचा साठा जप्त
या कारवाईत नळबाजार येथे सुगंधित तंबाखू उत्पादन करणारा एक अवैध कारखानाही सील केला असून या ठिकाणी सुगंधित तंबाखू, सुगंधी द्रव्ये, उत्पादनासाठी लागणारे साहित्य इ. हानिकारक पदार्थ जप्त करुन ताब्यात घेतले आहे. वरील सर्व प्रकरणी अधिक तपास सुरू असून, नियमानुसार पुढील फौजदारी कारवाई करण्यात येणार आहे. मोहिमेत कायदा व सुव्यवस्था राखण्यासाठी सह पोलीस आयुक्त, आर्थिक गुन्हे विभाग आशुतोष डुंबरे व पोलीस उपआयुक्त पराग मणेरे यांच्या पथकाची मदत घेण्यात आली होती.
ही कारवाई अन्न सुरक्षा आयुक्त डॉ. पल्लवी दराडे यांच्या मार्गदर्शनाखाली बृहन्मुंबई विभागाचे सह आयुक्त, शै. प्र. आढाव यांच्यामार्फत राबविण्यात आली. अशा प्रकारच्या मोहिमा संपुर्ण महाराष्ट्र राज्यात राबविणार असल्याचे डॉ. दराडे यांनी सांगितले आहे.
