धुळे : मुंबई-पुण्यादरम्यान आरामशीर प्रवासासाठी ‘शिवनेरी’ बसचा पर्याय निवडणार्‍या प्रवाशांना मोठा धक्का बसणार आहे. एसटी महामंडळाच्या प्रस्तावित भाडेवाढीमुळे मुंबई-पुणे शिवनेरी प्रवास 134 रुपयांनी महागण्याची शक्यता आहे. डिझेल दरवाढीबरोबरच कर्मचार्‍यांची वेतनवाढ आणि महामार्गावरील टोलदरात झालेल्या वाढीमुळे एसटी महामंडळावर मोठा आर्थिक बोजा पडत आहे. त्यामुळे एसटी महामंडळाने 30 टक्के भाडेवाढ करण्याचा प्रस्ताव गुरुवारी परिवहन मंत्री आणि महामंडळाचे अध्यक्ष दिवाकर रावते यांच्यासमोर मांडला. एसटी महामंडळाचा प्रस्ताव मान्य झाल्यास मुंबई ते पुणे मार्गावरील शिवनेरी बसचे दर 456 वरुन 590 रुपयांवर पोहचू शकतात. इतर मार्गावरील साध्या आणि वातानुकू लित बसच्या भाड्यातही वाढ होऊन प्रवाशांच्या खिशाला कात्रीच लागण्याची चिन्हं आहेत.
--------------------------------------
