राज्यसभेच्या उपसभापती पदासाठी काँगे्रसची मोर्चेबांधणी अहमद पटेलांनी घेतली ममता बॅनर्जींची भेट

नवी दिल्ली : लवकरच राज्यसभेच्या उपसभापती निवडणुकीत विरोधी पक्षांची एकजूट पाहायला मिळण्याची शक्यता आहे. राज्यसभेच्या उपसभापती पदासाठी काँग्रेस माजी अध्यक्षा सोनिया गांधींचे राजकीय सचिव अहमद पटेल यांनी ममता बॅनर्जींची भेट घेतली. ही भेट पक्षाच्या उपसभापती उमेदवारीच्या समर्थनार्थ होती. रविवारी संध्याकाळी पटेल आणि ममता बॅनर्जी यांची भेट झाली. एक तास दोघांची बातचीत झाली. काँग्रेस आपल्या उमेदवारासाठी समर्थन गोळा करतंय. सध्या हे पद केरळचे पी.जे. कुरियन यांच्याकडे आहे. काँग्रेसनं दुसर्‍या कार्यकाळासाठी त्यांची निवड केलेली नाही. याचा अर्थ काँग्रेस दुसर्‍या व्यक्तीला हे पद देऊ पाहतेय. भारताचा उपराष्ट ्रपती राज्यसभेचा सभापती असतो. उपराष्ट्रपतीची निवड लोकसभा आणि राज्यसभेचे सदस्य करतात. तर उपसभापतीची निवड फक्त राज्यसभेचे सदस्य करतात.