काँग्रेसने बागलकोटच्या कुत्र्यांकडून देशभक्ती शिकावी : पंतप्रधान

कर्नाटक निवडणुकीच्या प्रचााराला आता रंग चढला असून या प्रचारादरम्यान पंतप्रधान नरेंद्र मोदी यांनी काँग्रेसने कुत्र्यांकडून देशभक्ती शिकावी, अशी खोचक टीका काँग्रेसवर केली आहे. मोदी हे कर्नाटकच्या जामखंडी येथील प्रचार सभेत बोलत होते. उत्तर कर्नाटक प्रांतात आढळणार्‍या मुधोल प्रजातीच्या शिकारी कुत्र्यांचा नुकताच भारताच्या लष्करामध्ये समावेश करण्यात आला आहे. भारतीय लष्करामध्ये अशाप्रकारे समावेश करण्यात आलेली मुधोल या भारतीय कुत्र्यांची पहिलीच प्रजाती आहे. पंतप्रधान मोदी हे उत्तर कर्नाटकच्या जामखंडी येथील बागलकोटमध्ये विधानसभा निवडणूक प्रचारसभेत बोलत होते. मोदी म्हणाले, ’’ज्यांना देशभक्तीच्या नावाने त्रास होतो, देशभक्तीच्या चर्चेविरोधात आहेत किंवा ज्यांना देशभक्ती आवडत नाही, त्यांना मी सांगतो, की तुम्हाला दुसर्‍याकडून शिकायचे नाही तर नका शिकू. मग ते तुमचे पूर्वज असो किंवा काँग्रेस. मात्र, बागलकोटच्या मुधोल कु त्र्यांकडून तरी शिकण्याचा प्रयत्न करा अशी खालच्या पातळीवरील टीका त्यांनी यावेळी विरोधकांवर केली.