मुख्यमंत्र्यांनी घेतला विकासकामांचा आढावा
राज्यातील जलसिंचनाच्या कामांच्या प्रगतीबाबतचा आढावाही मुख्यमंत्र्यांनी एक स्वतंत्र ट्विट करत घेतला. या ट्विटनुसार, राज्यातील 10 सिंचन प्रकल्पांपैकी 7 प्रकल्प जवळपास पूर्ण झाले आहेत. या सात प्रकल्पांमध्ये नाशिकमधील 4, जळगावातील 2 तर नागपुरातील एका प्रकल्पाचा समावेश आहे. मेट्रो प्रकल्पाच्या आढाव्यासंदर्भातही मुख्यमंत्र्यांनी ट्विट केले आहे. ज्यामध्ये नागपूर आणि पुण्यातील मेट्रो प्रकल्पांच्या कामाच्या प्रगतीविषयी माहिती देण्यात आली आहे. नागपूर मेट्रोचे 60 टक्के बांधकाम पूर्ण झाले असून उर्वरित बांधकाम डिसेंबर 2019 पर्यंत पूर्ण होणार असल्याचे मुख्यमंत्र्यांच्या ट्विटमध्ये सांगण्यात आले आहे. यासोबतच पुणे मेट्रोच्या बांधकामाच्या प्रगतीविषयीची माहितीही ट्विटवर देण्यात आली आहे. पुणे मेट्रोचे केवळ 15 टक्के बांधकाम पूर्ण झाले असून सप्टेंबर 2021 पर्यंत हा प्रकल्प पूर्ण होणार आहे. दोन्ही शहरांच्या तुलनेत पुणे मेट्रोचे काम फारच संथगतीने सुरु असल्याचे दिसून येत आहे.
