नवक्रांतीसाठी युवकांनी प्रयत्न करावा : पिपाडा

राहाता प्रतिनिधी - ‘शिका संघटित व्हा व संघर्ष करा’ हा संदेश देऊन संपूर्ण समाजाला एका नव्या दिशेकडे नेण्याचे काम विश्वरत्न डॉ. बाबासाहेब आंबेडकर यांनी केले. संघर्ष हा चांगल्या कार्यासाठी केला पाहिजे ज्यातून नवक्रांती होईल आणि समाजासमोर एक वेगळा आदर्श उभा राहिल. यासाठी युवकांनी प्रयत्न केले पाहिजे, असे प्रतिपादन नगराध्यक्षा ममता पिपाडा यांनी केले. शहरातील विरभद्र मंदिरासमोर आयोजित केलेल्या डॉ. बाबासाहेब आंबेडकर जयंतीनिमित्त अभिवादन कार्यक्रमात त्या बोलत होत्या.

यावेळी भाजपा नेते डॉ. राजेंद्र पिपाडा, धनंजय गाडेकर, माजी उपनगराध्यक्ष आरपीआयचे जिल्हा उपाध्यक्ष दिलीप वाघमारे, तालुकाध्यक्ष रमेश गायकवाड, शहराध्यक्ष राहुल शिरसाठ, बांधकाम विभागाच्या सभापती निलम सोळंकी, आरोग्य सभापती विमल आरणे, नगरसेविका डॉ. मंगला आरणे, मनसेचे विजय मोगले, शिवसेना शहरप्रमुख गणेश सोमवंशी, दिपक सोळंकी, इकबाल शेख, सिराज शेख, डॉ. के. वाय. गाडेकर, संजय हेकरे, शिवाजा आनप, शुक्लेश्वर शेळके आदी उपस्थित होते. तालुकाध्यक्ष रमेश गायकवाड यांनी आभार मानले.