दिव्यांगांनी घरकुल योजनेचा लाभ घ्यावा - चाँद शेख

अनुसूचित जाती मधील दिव्यांग व्यक्तींसाठी शासन राबवित असलेल्या घरकुल योजनेचा लाभ दिव्यांग व्यक्तींनी घ्यावा असे आवाहन दिव्यांग तालुका संघटक चाँद कादर शेख यांनी केले आहे. शासनाच्या वतीने अनुसूचित जाती मधील दिव्यांग व्यक्तींसाठी रमाई आवास योजनेंतर्गत घरकुल योजना राबविण्यात येत आहे. त्यासाठी आवश्यक कागदपत्रे यांची पूर्तता करून संबंधितांशी संपर्क साधावा व आपल्या न्याय हक्काने योजनेचा लाभ घ्यावा असे सुचवले असुन घरकुल योजना लाभार्थी व्यक्तिस आवश्यक कागदपत्रे जमा करण्यात अडचणी अथवा अडवणूक होत असल्यास संपर्क साधावा. दलाल व्यक्तींपासून सावध राहण्याचेही त्यांनी सांगितले. कुणाच्याही पोकळ आश्‍वासनास बळी पडू नये.लाभ घेण्यासाठी खालील कागदपत्रासह पंचायत समिती शेवगाव येथे घरकुल मिळणे कामी प्रस्ताव सादर करावेत.