होळी रे होळीचा जयघोष जोरात

नेवासा /प्रतिनिधी /- शहरांमध्ये होळीचा सण पारंपरिक पद्धतीने साजरा करण्यात आला. यादिवशी सुवासिनींनी नैवद्य अर्पण करत विधीवत पूजन केले. बालचिमुकल्या मंडळींनी होळी रे होळीचा जयघोष जोरात करत आपला आनंद व्यक्त केला. तर बऱ्याच ठिकाणी महिला वर्गानी होळी पेटवली. 

या निमित्ताने शहरात बऱ्याच ठिकाणी विविध कार्यक्रमाचे आयोजन करण्यात आले होते. नेवासा शहरातील ग्रामदैवत मोहिनीराजांच्या मंदिरासमोर युवकानी होळी पेटवली. तसेच मारुती चौकात देखील होळी पेटविण्यात आली. यावेळी उपस्थित युवकांनी व बालगोपाळांनी होळी रे होळी,पुरणाची पोळीचा जयघोष व जल्लोष जोरात करत होळीचा सण साजरा केला.