अण्णांच्या समर्थनार्थ राहता येथे लाक्षणिक उपोषण राहाता.
अण्णा हजारे यांच्या जनआंदोलनास राहाता येथील नागरिकांनी एक दिवसाचे लाक्षणिक उपोषण करुन पाठिंबा दर्शविला. अण्णा हजारे गेल्या चार दिवसांपासून नवीदिल्ली येथील रामलिला मैदानावर उपोषणास बसले आहेत. लोकपाल, कृषी मुल्य आयोगाची नेमणूक, शेतीमालाला हमी भाव यासह इतरही मागण्यांसाठी हे आंदोलन सुरु आहे.
सरकारकडून वेळेत दखल घेतली जात नाही. त्यामुळे हजारे यांच्या मागण्या सरकारने त्वरित मान्य कराव्या, या मागणीसाठी आज राहाता येथे छत्रपती शिवाजी चौकात एक दिवसाचे उपोषण करण्यात आले. या लाक्षणिक उपोषनात रामनाथ सदाफळ, विनायकराव निकाळे, रामचंद्र म्हसणे, सुरज बनकर, नवनाथ सदाफळ, मुस्ताक शाह, सुधाकर वाघमारे, अनिल सोनवने, दत्तात्रय साखरे आदी सहभागी झाले होते.
