कलारसिकांनी वेधले प्रशासनाचे लक्ष अर्धवट बांधकाम झालेल्या नाट्यगृहात साहित्य संमेलनाच्या बोधचिन्हाचे प्रकाशन
बुलडाणा :- दशकभरापेक्षा अधिक काळापासून येथील एकता नगरमध्ये सांस्कृतिक नाट्यगृह अर्धवट बांधकाम होवून पडलेले आहे. प्रशासनाच्या दुर्लक्षामुळे सदर नाट्यगृह गड-किल्ल्यांप्रमाणे खंडहर झाले आहे. धक्कादायक बाब म्हणजे या इमारतीचा अवैध प्रवृत्तींनी ताबा घेतलेला आहे. निधीअभावी रखडलेली ही ईमारत लवकरात लवकर पूर्णत्वास यावी आणि कलारसीकांसाठी हे भव्य सांस्कृतिक नाट्यगृह उपलब्ध व्हावे, या मागणीकडे लक्ष वेधण्यासाठी 12 व्या बुलडाणा जिल्हा साहित्य संमेलनाच्या बोधचिन्हाचे या अधर्वट नाट्यगृहात आज, रविवारी प्रकाशन करण्यात आले. याप्रसंगी निवासी उपजिल्हाधिकारी ललीतकुमार वर्हाडे यांनी बोधचिन्हाचे प्रकाशन केले आणि इमारतीचे निरीक्षणही केले. ‘सदर नाट्यगृहाची इमारत पूर्ण करण्यासाठी प्रशासकीय कार्यवाहीला वेग देणार असल्याचा विश्वास त्यांनी यावेळी दिला.
विदर्भ साहित्य संघ शाखा बुलडाणाच्या वतीने येत्या 24 फेब्रुवारी 2018 रोजी येथील गर्दे वाचनालयाच्या सभागृहात 12 वे बुलडाणा जिल्हा साहित्य संमेलन आयोजित करण्यात आले आहे. या एकदिवसीय साहित्य संमेलनाचे आकर्षक बोधचिन्ह प्रकाशित करण्यात आले. याप्रसंगी संमेलन संयोजक नरेंद्र लांजेवार, नियोजित संमेलनाध्यक्ष डॉ. विजयालक्ष्मी वानखेडे, विसासंचे कोषाध्यक्ष अनिल अंजनकर, शंकर कर्हाडे, आझाद हिंद संघटनेचे अध्यक्ष ऍड. सतिषचंद्र रोठे, अभिनेता ऍड. गणेश देशमुख, नाट्यकलावंत अमोल कुळकर्णी, सुरज वाडेकर, प्रा. संतोष आंबेकर, प्रा. हरीष साखरे, पंजाबराव गायकवाड, सुवर्णाताई पावडे कुळकर्णी, वैशाली तायडे, अनिल रिंढे, रमेश आराख, रविंद्र साळवे, रविकिरण वानखेडे, सर्जेराव चव्हाण, प्रतिक शेजोळ, पंजाबराव आखाडे, पराग काचकुरे, पत्रकार रणजीतसिंग राजपूत, सुधीर देशमुख, बाबासाहेब जाधव, पुरुषोत्तम बोर्डे इत्यादी साहित्य-सांस्कृतिक तथा नाट्य क्षेत्रातील मान्यवरांची उपस्थिती होती. पुढील वर्षीपर्यंत नाट्यगृहाचे बांधकाम पूर्ण होऊन याठिकाणी साहित्य संमेलन व्हावे, अशी अपेक्षा उपरोक्त प्रतिष्ठीतांनी प्रशासनाकडून व्यक्त केल्या आहेत.
विदर्भ साहित्य संघ शाखा बुलडाणाच्या वतीने येत्या 24 फेब्रुवारी 2018 रोजी येथील गर्दे वाचनालयाच्या सभागृहात 12 वे बुलडाणा जिल्हा साहित्य संमेलन आयोजित करण्यात आले आहे. या एकदिवसीय साहित्य संमेलनाचे आकर्षक बोधचिन्ह प्रकाशित करण्यात आले. याप्रसंगी संमेलन संयोजक नरेंद्र लांजेवार, नियोजित संमेलनाध्यक्ष डॉ. विजयालक्ष्मी वानखेडे, विसासंचे कोषाध्यक्ष अनिल अंजनकर, शंकर कर्हाडे, आझाद हिंद संघटनेचे अध्यक्ष ऍड. सतिषचंद्र रोठे, अभिनेता ऍड. गणेश देशमुख, नाट्यकलावंत अमोल कुळकर्णी, सुरज वाडेकर, प्रा. संतोष आंबेकर, प्रा. हरीष साखरे, पंजाबराव गायकवाड, सुवर्णाताई पावडे कुळकर्णी, वैशाली तायडे, अनिल रिंढे, रमेश आराख, रविंद्र साळवे, रविकिरण वानखेडे, सर्जेराव चव्हाण, प्रतिक शेजोळ, पंजाबराव आखाडे, पराग काचकुरे, पत्रकार रणजीतसिंग राजपूत, सुधीर देशमुख, बाबासाहेब जाधव, पुरुषोत्तम बोर्डे इत्यादी साहित्य-सांस्कृतिक तथा नाट्य क्षेत्रातील मान्यवरांची उपस्थिती होती. पुढील वर्षीपर्यंत नाट्यगृहाचे बांधकाम पूर्ण होऊन याठिकाणी साहित्य संमेलन व्हावे, अशी अपेक्षा उपरोक्त प्रतिष्ठीतांनी प्रशासनाकडून व्यक्त केल्या आहेत.
