ज्ञानज्योती चॅरिटेबल ट्रस्टच्यावतीने विद्यानिकेतन इंग्लिश मेडियम स्कूल सुरू

सात्रळ / प्रतिनिधी :- राहुरी तालुक्यातील सोनगाव सात्रळ येथे माळेवाडी डुक्रेवाडी परिसरात महादेव मंदिराजवळ ज्ञानज्योती चॅरिटेबल ट्रस्टच्यावतीने विद्यानिकेतन इंग्लिश मेडियम स्कूल सुरू होत आहे. यामुळे ग्रामीण भागातील शेतकर्याच्या मुलांचे इग्रंजी माध्यमातून शिक्षण घेण्याचे स्वप्न साकार होणार आहे. या परिसरामध्ये इग्रंजी माध्यमाची शाळा नसल्यामुळे मुलांना दूरवर पाठवता येत नाही. परिणामी येथील मुले इग्रंजी माध्यमाच्या शाळांपासून वंचित राहत होती. संस्थेचे अध्यक्ष मिलिंद अनाप यांनी ही गरज ओळखली. यातून केवळ शेतकऱ्यांच्याच मुलांची इग्रंजी माध्यमाची शाळा येथे सुरू झाली. अनाप यांचे इग्रंजी माध्यमाच्या शाळांमध्ये १० वर्षांचे योगदान आहे. आजच्या महागाईच्या काळात ही शाळा पंचक्रोशीतील मुलांना एक मोठा आधार वाटू लागली आहे. या शाळेमुळे परिसरातील मुलांच्या शिक्षणाची सोय झाली. इंग्रजी माध्यमाची शाळा सुरु केल्याबद्दल अनाप यांना ग्रामस्थांनी धन्यवाद दिले.