उपसरपंच पदी कोणाची वर्णी ?

शेवगाव/प्रतिनिधी/- तालुक्यातील क-हेटाकळी ग्रामपंचायतीच्या उपसरपंच पदाची निवड प्रजासत्ताक दिनी दि.२६ जानेवारी रोजी सकाळी १० वाजता होत असून उपसरपंच पदी कोणाची वर्णी लागते याबाबत उत्सुकता वाढली आहे. या पदासाठी विष्णू राठोड,विजय ससाणे,दशरथ ससाणे व संतोष लेंडाळ यांची नावे चर्चेत आहेत.
या ग्रामपंचायतीची निवडणूक २६ डिसेंबर रोजी होऊन सरपंच पदी माजी सरपंच शफिक सय्यद यांची निवड झाली. तसेच सदस्याच्या सर्व ९ जागा त्यांच्या गटाच्या निवडून आल्या ग्रामपंचायत निवडणुकीत ३ जागा बिनविरोध झाल्या होत्या. उर्वरीत सरपंच पद व सदस्यांच्या निवडीत पक्षश्रेष्ठींचे सहकार्य मिळाले नाही,एकाकी व स्वबळावर लढत देत ही निवडणूक आपण एकतर्फी जिंकली. ग्रामस्थांनी दाखविलेल्या विश्वासाला पात्र राहू व विकासकामे करू असे सरपंच शफिक सय्यद म्हणाले. उपसरपंच पदी निवड होण्यासाठी मोठी रस्सीखेच सुरु झाली असून सर्वच सदस्य तुल्यबळ असल्याने कोणाची निवड करावी असा पेच पडला असल्याचे सरपंच शफिक सय्यद यांनी सांगितले. तरीही सर्व ग्रामस्थ आणि सदस्यांना विश्वासात घेऊन यातून मार्ग काढला जाईल असा विश्वास त्यांनी व्यक्त केला.