धुळ्यात निघाला मराठा क्रांती मोर्चा; धुळे झाले भगवेमय!

धुळे - धुळे शहरात ‘जय भवानी, जय शिवाजी छत्रपती शिवाजी महाराज की जय’ च्या जयघोषणांनी, भगवे झेडे हातात घेवून मराठा व सर्व जाती धर्मातील शिवप्रेमीकडून शांतता मोर्चाचे मनोहर टॉकी जवळील छत्रपती शिवाजी महाराज पुतळ्याला पुष्पहार अर्पण करून मोर्चाला सुरवात झाली आहे.

या मोर्चात हजारो संख्येने तरूण, महिला व पुरुष सहभागी झाले आहे. भीमा कोरेगाव याठिकाणी झालेल्या हल्ल्याच्या निषेधार्थ धुळ्यात 3 जानेवारी रोजी निघालेल्या मोर्चाच्या दिवशी काही अपवृत्ती व दहशत पसरविणार्या घटकांनी शहरातील दुकाने तसेच एसटी गाड्यांची तोडफोड करून महापुरूषांना अपमानास्पद शब्द वापरल्याच्या तसेच शहरात पसरलेल्या गुंडगिरी, महिलांची छेड, व्यापा-यांना गुंडांचा दम, शासकीय कर्मचा-यांकडून हप्तेखोरी करणा-यांच्या विरोधात कारवाई व्हावी, यासाठी आज जिल्ह्यातून सर्व समाजाचे लोक एकवटले.