भविष्य निधीच्या नावाखाली कामगारांना लाखोंचा गंडा
डोंबिवली एम.आय.डी.सी. परिसरात मंगेश जडे यांच्या मालकीची पाउंड रबर स्टॅम्प ही कंपनी आहे. या कंपनीत एकूण 15 कामगार काम करतात. जडे यांनी या कामागरांच्या पगारातून एप्रिल 17 ते नोव्हेंबर 17 पर्यंत काही ठराविक रक्कम एकूण सुमारे 1 लाख 56 हजार 453 रुपये भविष्य निधी साठी कापून घेतले. मात्र ही रक्कम भविष्य निधी मध्ये न टाकता स्वतःच्या फायद्याकरिता अपहार केला. ही बाब लक्षात आल्याने भविष्य निधी प्रवर्तन अधीकारी मुकुंदा सदावर्ते यांनी मानपाडा पोलीस स्थानकात तक्रार दाखल केली असुन या तक्रारी नुसार पोलिसानी कंपनी मालक मंगेश जडे विरोधात गुन्हा दाखल करत पुढील तपास सुरू केला आहे.
