ऑस्ट्रेलिया मजबूत स्थितीत,इंग्लंडवर पराभवाचे सावट.

सिडनी : ऑस्ट्रेलियन गोलंदाजांच्या सांघिक माऱ्यामुळे दुसऱ्या डावात इंग्लंडचा संघ अडचणीत आला आहे. मिशेल आणि शॉन मार्श बंधूंनी शतक झळकवत पाचव्या गड्यासाठी रचलेल्या दीडशे धावांच्या भागीदारीमुळे ऑस्ट्रेलियाने पहिला डाव ७ बाद ६४९ धावांवर घोषित केला. ऑस्ट्रेलियाच्या ३०३ धावांच्या आघाडीचा पाठलाग करताना दुसऱ्या डावात इंग्लंडची ४ बाद ९४ अशी परिस्थिती झाली आहे. इंग्लंडचा संघ अद्यापही २१० धावांनी पिछाडीवर आहे. त्यामुळे कसोटीच्या अंतिम दिवशी इंग्लंडवर पराभवाचे सावट दिसून येत आहे.