स्वयंभू युवा प्रतिष्ठानच्या वतीने रक्तदान शिबिराचे आयोजन

अहमदनगर :- जागतिक युवा दिन तसेच राजमाता जिजाऊंच्या जयंतीचे औचित्य साधून स्वयंभू युवा प्रतिष्ठानच्या वतीने जिल्हा रुग्णालय (ब्लड बँक ) यांच्या सहयोगातून भव्य रक्तदान शिबिराचे आयोजन करण्यात आले होते. स्वयंभू युवा प्रतिष्ठान सामाजिक क्षेत्रात कार्यरत आहे. सामाजिक कार्याचा एक भाग म्हणून आज या ठिकाणी हा एक आदर्श उपक्रम राबवल्याची भावना उपस्थितांनी व्यक्त केली.
या वेळी प्रा.भारती दानवे ,प्रमिला गोरडे , विकास गुंड ,सुहास साबळे, योगीता देशमुख ,रवींद्र कदम, अतिरिक्त जिल्हा शल्य चिकित्सक डॉ. दर्शना बारवकर ,डॉ. इरमल आशिष रक्त संक्रमण अधिकारी डॉ. खान,डॉ. आशा गायकवाड आदी उपस्थित होते.या शिबिरामध्ये स्वयंभू युवा प्रतिष्ठानने विशेष उच्चांक गाठत १०० हून अधिक बॅग रक्तदान केले . यावेळी सुहास साबळे व योगिता देशमुख यांचा वाढदिवसही साजरा करण्यात आला.शिबिराच्या यशस्वीततेसाठी माय टिफिन सर्व्हिस अहमदनगर, उत्कर्ष बालघर नेप्ती, निकेतन तडके व स्वयंभू युवा प्रतिष्ठानच्या सर्व सदस्यांनी परिश्रम घेतले.