राष्ट्रवादीच्या कार्यकर्त्याने जनतेच्या प्रश्नांवर तीव्र आंदोलन उभरावे

कर्जत /प्रतीनिधी/-केंद्र सरकार व राज्य सरकार विरोधात जनतेत प्रचंड नाराजी वाढत असल्याने राष्ट्रवादीच्या कार्यकर्त्याने रस्त्यावर उतरून जनतेच्या प्रश्नावर तीव्र आंदोलन ऊभारून जनजागृती करावी. असे आवाहन राष्टवादीचे निरीक्षक मा .मंञी दिलीप वळसे यांनी केले. ते कर्जत येथील भाग्यतारा मंगल कार्यालयात झालेल्या राष्ट्रवादी काँग्रेस पक्षाच्या मेळाव्यात बोलत होते .
वर्षभरानंतर निवडणूका होणार असल्याने कार्यकर्त्यांनी आतापासूनच तयारीला लागावे ,आप -आपसातील गटतट विसरून, कोण मोठा? कोण छोटा? यापेक्षा पक्ष मोठा आहे. याची जाणीव ठेवून काम केलेच तर राष्टवादीची सत्ता येईल. असे सांगतानाच कर्जत तालुक्यात यापुर्वी पक्षाने मंञी पदाचा दर्जा असणारे जि.प.अध्यक्ष पद, उपाध्यक्ष पद, समीती वैगरे देवून तालुक्याला ताकद देवून जनतेचे प्रश्न सोडविण्यासाठी दिली,पक्षाने विचार करून ही पदे दिली होती. त्यामुळे प्रमाणीक व जनतेच्या प्रश्नावर निष्ठा असणाऱ्यांच्या पाठीमागे पक्ष सदैव उभा राहतो.याची जाणीव ठेवून कार्यकर्त्यांनी भाजपा सरकार विरोधात असणा-या नाराजीचा फायदा उठवावा. तसेच भाजपा सरकार महागाई ,बेरोजगारी, जातीय दंगल ,शेतक-याच्या मालाला भाव नाही, जीएसटीने व्यापारी वर्गात तीव्र संताप असल्याने याचा फायदा उठवून राष्ट्रवादी व समविचारी पक्षाच्या हाता सत्ता येण्यासाठी रस्त्यावर उतरून भाजपा सरकार विरोधात संघर्ष करा. व सरकार कसे सर्व गोष्टीत अपयशी ठरले याची जनतेत जावून जागृती करावी व पक्षाची ताकद वाढवण्याबरोबरच जनतेच्या प्रश्नाला न्याय द्यावा.