न्यू आर्टस् महाविद्यालयाच्या 14 खेळाडूंची राष्ट्रीय स्पर्धेसाठी निवड

अहमदनगर / प्रतिनिधी । 25 ः 2017-2018 मध्ये न्यू आर्टस् महाविद्यालयाच्या खेळाडूंनी विविध खेळामध्ये उत्कृष्ट कामगिरी करत राष्ट्रीय स्तरावर न्यू आर्टस् महाविद्यालयाचे आणि सावित्रीबाई फुले पुणे विद्यापीठाचे नेतृत्व केले. त्यामध्ये सायकलिंग रोड रेस विकास रोठे याची बिकानेर राजस्थान येथे निवड झाली. व सायकलिंग ट्रॅक स्पर्धेसाठी कुणाल कराळे, शिंदे गोदावरी, शिंदे पल्लवी यांची चंदीगढ पंजाब येथे निवड झाली. ज्यूदोमध्ये गणेश लांडगे, दांतरंगे शुभम, सईद आदित्य, डोंगरे प्रियंका यांची चंदीगढ पंजाब येथे निवड झाली. वाघ ऐश्‍वार्या हिची बॉक्सींगमध्ये चंदीगढ पंजाब येथे निवड. मरकड निकीता हिची खो-खो स्पर्धेसाठी अहमदाबाद गुजरात येथे निवड व अश्‍वमेध स्पर्धेत सिल्वर पदकाची कामगिरी केली. पटेकर महेश याची फुटबॉल स्पर्धेसाठी भोपाल मध्यप्रदेश येथे निवड झाली. वाकचौरे प्रियंका हिची क्रिकेट स्पर्धेसाठी रांची झारखंड येथे निवड आगळे राहूल याची कबड्डी स्पर्धेसाठी दापोली येथे निवड तर काळे अक्षय याची पावरलिप्टींग स्पर्धेसाठी पंजाब येथे निवड झाली, तसेच यावर्षीचा सावित्रीबाई फुले पुणे विद्यापीठाचा स्ट्राँगमॅन हा किताब पटकविला.