केंद्रीय मंत्री अनंत गिते यांच्या गाडीला अपघात

मुंबई : केंद्रीय अवजड उद्योग मंत्री अनंत गिते यांच्या गाडीला खोपोलीजवळ अपघात झाला. या अपघातात गिते यांच्या डोक्याला किरकोळ दुखापत झाली आहे. खोपोलीकडून पालीकडे जात असतांना हा अपघात झाला. गिते यांच्या वाहनासमोरील पोलिसांच्या पायलट गाडीसमोर दुचाकीस्वार आडवा आला. त्यामुळे पोलिसांच्या गाडीचा अचानक ब्रेक दाबण्यात आला. त्यामुळे मागे असलेली गिते यांच्या गाडीने समोरील पायलट व्हॅनला धडक दिली. तर गिते यांच्या मागे असलेल्या दुसर्‍या एका पायलट व्हॅनने गिते यांच्या गाडीला धडक दिली.