कोल्हापूरच्या विद्यार्थीनींची शिक्षणमंत्री विनोद तावडे यांनी घेतली भेट
विजया चौगुले हिची भेट घेतल्यानंतर प्रसिद्धी माध्यमांशी बोलताना श्री.तावडे यांनी सांगितले की, तिच्यावरील उपचाराबाबत विजयाचे कुटुंबिय समाधानी आहे. विजया लवकरच पूर्णपणे बरी होऊन पुन्हा कोल्हापूरच्या शाळेत जाऊ शकेल. पण विजयाची पुन्हा त्याच शाळेत जाण्याची मानसिकता नसेल तर तिला तेथून जवळच्या दुसऱ्‍या शाळेत प्रवेश देण्यात येईल.
राज्य शासन विजयाच्या पाठीशी उभे असून विजयाच्या उपचारावरील संपूर्ण खर्च राज्य शासनामार्फत करण्यात येईल.विजयाबरोबरच विजयाचे वडील त्याच शाळेत शिपाई पदावर नोकरीला असून त्यांनाही त्या शाळेत नोकरी करायची नसेल तर त्यांनाही बाजूच्या शाळेत समायोजित केले जाईल, असेही श्री.तावडे यांनी यावेळी सांगितले.
