चाकूचा धाक दाखवत ठाण्यात तरूणीवर बलात्कार; आरोपीला अटक

ठाणे, दि. 25, नोव्हेंबर - चाकूचा धाक दाखवून एका 22 वर्षीय तरूणीवर बलात्कार केल्याची घटना उल्हासनगरमध्ये घडली आहे. पीडित तरूणी घरात एकटी असल्याचा फायदा घेत आरोपी घरात शिरला. यानंतर आरोपीने चाकूचा धाक दाखवत पीडित तरूणीला ठार मारण्याची धमकी दिली व जबरदस्तीने बलात्कार केला. आरोपीचे नाव सुरेश असे आहे. 

पीडित तरूणीने हिललाईन पोलीस ठाण्यात धाव घेऊन सुरेश विरोधात तक्रार दाखल केली. पोलिसांनी पीडित तरूणीच्या तक्रारीच्या आधारावर सुरेशला अटक केली असून त्याच्याविरूद्ध गुन्हा दाखल केला आहे. त्याला न्यायालयात हजर केले असता 5 डिसेंबरपर्यंत पोलीस कोठडी सुनावण्यात आली आहे.