प्राचार्यांच्या कष्टामुळेच न्यू आर्टस महाराष्ट्रात प्रथम- राठोड
नगर शहरातील न्यू आर्टस कॉमर्स अ‍ॅण्ड सायन्स कॉलेजने नॅक बेंगलोर या स्वायत्त संस्थेकडून सर्वोच्य अ++ श्रेणी प्राप्त करुन महाराष्ट्रात प्रथम व देशात चौथे स्थान मिळवल्याबद्दल प्राचार्य डॉ. बी.एच.झावरे यांचा सत्कार शिवसेना उपनेते अनिल राठोड यांनी केला याप्रसंगी ते बोलत होते. यावेळी नगरसेवक विक्रम राठोड, दिगंबर ध्वण, भगवान फुलसौंदर, दत्ता मुदगल, सुरेश तिवारी, अशोक दहिफळे, राजेंद्र दळवी, डॉ. मगेश वाघमारे व कॉलेजचे प्राध्यापक व सहकारी उपस्थित होते.
आज हा क्षण आमच्या कॉलेजच्या व नगरकरांसाठी खूप आनंदाचा क्षण आहे. महाराष्ट्रात प्रथम देशात चौथे स्थान मिळवण्यासाठी कॉलेजच्या सर्व प्राध्यापकांचा मोलाचा वाटा आहे, त्यांचे ही अफाट कष्ट आहे. विद्यार्थ्यांना घडविण्यासाठी उत्कृष्ट प्रकारचे शिक्षण देण्यासाठी कॉलेज नेहमी सज्ज असेल असे मनोगत प्राचार्य .झावरे यांनी व्यक्त केले.
