जामखेडमध्ये सेतू सेवाकेंद्राचा एक दिवस बंद

शासनाच्या संग्राम केंद्रांना महसूल विभागा अंतर्गत सेवा दिल्यामुळे महा ई- सेवा केंद्रचालकांवर बेरोजगारीची कुऱ्हाड पडणार आहे. याचा निषेध म्हणून एक दिवसाचे लाक्षणिक महाराष्ट्र बंद चे आव्हान युनियन तर्फे करण्यात आले होते. त्यानुसार जामखेडमध्ये सेतू सेवाकेंद्र एक दिवस बंद करण्यात आली होती .
जामखेडचे तहसीलदार विजय भंडारी यांना बंदचे निवेदन देण्यात आले. यावेळी महादेव डुचे, योगेश जायभाय , शिवाजी काळदाते,अफसर शेख ,रोहिदास केकाण ,अमोल थोरात ,मोहळकर मारुती ,गणेश अडसूळ ,प्रदीप गायकवाड ,बांदल ,संदीपान गीते ,सत्यजित भोरे, आरती दीपक देवमाने आदी उपस्थित होते.जामखेड तालुक्यातील सर्व महा ई – सेवा केंद्र संपात शंभर टक्के सहभागी झाले होते.

शासन परिपत्रक क्रमाक आसक २०१७/प्र.क्र.९२ /आपले सरकार दिनांक तेरा दहा दोन हजार सतरा [ १३/१०/२०१७ ] नुसार सी .एस. सी मार्फत संग्राम सेवा केंद्रांना लिंक दिल्या मुळे महाराष्ट्रातील पंचवीस हजार [२५,००० ] महा ई सेवा केंद्रा चालकांवर उपासमारीची वेळ येणार आहे.