जळगावातील विविध समस्यांचे भाजपतर्फे मनपा आयुक्तांना निवेदन
भाजपाने दिलेल्या निवेदनात म्हटले आहे, शहरात डासांचे साम्राज्य वाढले असून त्यामुळे डेंग्यू, चिकनगुनिया, मलेरिया, टायफॉईड या प्रकारची रोगराई पसरत आहेत. खुल्या भूखंडात उगवलेले गवत आणि कचरा उचलला जात नसल्याने हा प्रकार होत आहे. म.न.पा.कडून काही भागात दुषित पाणी पुरवठा होत आहे. अनेक भागात रस्त्यांत खड्डे पडले असून पथ दिवे दुरुस्तीसाठी वाहने उपल्बध नाहीत. गटारी व सार्वजनिक शौचालय यांची स्वच्छता व दुरुस्ती वेळेवर होत नसल्याने दुर्गंधीयुक्त वातावरण तयार झाले आहे . गटारींची स्वछता होणे आवश्यक असून या उपाय योजना करण्यात याव्यात, असे दिलेल्या निवेदनात म्हटले आहे.
