राज्य विभागून जर समृद्धी महामार्ग उभारणार असाल तर समृद्धी महामार्ग तोडून टाकेन
अहमदाबाद ते मुंबई बुलेट ट्रेन सुरू करण्याचा मोदींनी घाट घातला. त्यांना दिल्ली -अहमदाबाद का दिसलं नाही. मोदींसाठी आणि गुजरातसाठी बुलेट ट्रेन सुरू करण्याचा हा डाव आहे. पण कर्ज मात्र भारतातल्या प्रत्येक नागरिकांनी का फेडायचं ? असंही राज ठाकरे म्हणाले. तुम्ही गुजरातचे पंतप्रधान म्हणून वागू नका, देशाचे पंतप्रधान व्हा असा सल्लावजा टोलाही राज ठाकरेंनी लगावला.
आम्ही विधानसभा निवडणूक ब्लू प्रिट दाखवून लढवली आणि आज भाजप सरकार गुजरातची निवडणूक ब्लू फिल्म दाखवून करतोय. हार्दिक पटेलच्या सेक्स सीडीचे व्हिडिओ दाखवले जात आहे. त्याचं आयुष्य आहे तो काय जगेल त्याला ठरवून द्या ना, तुम्ही का दरवाज्याच्या फटीतून बघताय. हे असेल शौक फक्त आंबटशौकीन असतात. या विषयावर तुम्ही निवडणुका लढवताय असा टोला राज ठाकरेंनी भाजपला लगावला.
