चाळीसगावात कांद्याला सर्वाधिक 3800 रुपये भाव
चाळीसगाव कृषी उत्पन्न बाजार समितीच्या आवारात आठवड्यातून चार दिवस कांद्याचा लिलाव होतो. गेल्या दोन वर्षांपासून कांद्याच्या लिलावाचा घेण्यात आलेला अभिनव प्रयोग यशस्वी होत असून, आजच्या लिलावात राज्यातील सर्वाधिक भावाची नोंद करण्यात आली. शिंदी येथील अनिल आवारे या शेतकर्याच्या लाल कांद्याला 3 हजार 800 रुपये प्रतिक्व ींटल भाव मिळाला.
हा भाव चाळीसगाव बाजार समितीत गेल्या अडीच ते तीन वर्षांपासूनच्या लिलावातील सर्वाधिक भाव असल्याने उत्तर महाराष्ट्रासह पश्चिम महाराष्ट्रात चाळीसगाव येथील कांदा लिलावास शेतकर्यांची पसंती मिळत असल्याचे चित्र आहे. नव्या कांद्याच्या तुलनेत जुन्या कांद्याची अधिक अवाक झाल्याने व त्यातच त्याची चांगली प्रतवारी असल्याने हा उच्चांकीचा भावाने खरेदी करण्यात आल्याची माहिती व्यापारी मुकेश चौधरी यांनी दिली.
