रामराजे नाईक निंबाळकर यांना रामकृष्ण हरी कृषी प्रतिष्ठानचा जीवन गौरव पुरस्कार जाहीर
श्रीमंत रामराजे नाईक निंबाळकर यांनी मंत्रीपद आणि कृष्णां खोरे विकास महामंडळाच्या माध्यमातून माण, खटाव, खंडाळा आणि फलटण या दुष्काळी भागाचा मोठ्या प्रमाणात विक ास करण्यासाठी केलेल्या प्रयत्नामुळेच अनेक पाटबंधारे प्रकल्प उभे राहिले, त्याद्वारे कायम दुष्काळी पट्ट्यात पाणी पोहोचल्याने तो भाग बागायती झाला, औद्योगिक वसाहती उभ्या राहिल्याने तरुणांना उद्योग, व्यवसाय, नोकरीच्या संधी प्राप्त झाल्या, शेती व शेतक्यांना दिलासा मिळाला, त्यांच्या कार्याची दखल घेऊन त्यांची प्रा. रामकृष्ण मोरे जीवन गौरव पुरस्कारासाठी निवड करण्यात आल्याचे प्रतिष्ठानतर्फे स्पष्ट करण्यात आले आहे.
बुधवार 8 नोव्हेंबर रोजी सायंकाळी 5.30 वा पत्रकार भवन, नवी पेठ, पुणे येथे सदर पुरस्काराचे वितरण समारंभपूर्वक करण्यात येणार आहे. याप्रसंगी ज्येष्ट साहित्यिक प्रा. सदानंद मोरे, आ. निलमताई गोरे, पिंपरी-चिंचवड स्थायी समितीचे अध्यक्ष बाबासाहेब तापकीर इत्यादी मान्यवर उपस्थित राहणार आहेत.
