ज्येष्ठ अभिनेते डॉ. श्रीराम लागू यांना महर्षी पुरस्कार जाहीर
गणेश कला क्रीडा रंगमंच येथे आयोजित करण्यात आलेल्या पुणे नवरात्रौ महोत्सवात हा पुरस्कार प्रदान करण्यात येईल. यावेळी मराठमोळे ज्येष्ठ अभिनेते प्रदीप वेलणकर यांचाही विशेष सन्मान करण्यात येणार आहे. कार्यक्रमाच्या अध्यक्षस्थानी विधानसभेचे विरोधीपक्षनेते राधाकृष्ण विखे-पाटील हे असणार आहेत. तर प्रमुख पाहुणे म्हणून माजी आमदार उल्हास पवार, वास्तु विशारद महेश नामपूरकर, माजी आमदार मोहन जोशी हे उपस्थित राहणार आहेत.हा पुरस्कार पुणे नवरात्रौ महोत्सव समितीतर्फे दर वर्षी दिला जातो. यापूर्वी भारतरत्न पं. भीमसेन जोशी, डॉ. रघुनाथ माशेलकर, ह.भ. प. बाबा महाराज सातारकर, किशोरी आमोणकर, पं. हृदयनाथ मंगेशकर, डॉ. विजय भटकर, लीला पुनावाला यांच्यासह मान्यवरांना महर्षी पुरस्काराने सन्मानित करण्यात आले आहे.
